لقاء مع احمد السمنجى قاهر الاتصالات بعد الهدفين

مباراة الاتصالات افضل مباراه ليا فى حياتى..ماتش النصر مضمون.

- اولا وقبل كل حاجه اشرحلنا الهدفين؟

والله الهدفين كان فى توفيق من ربنا وفضل من زمايلى برضه يعنى الهدف الاول كانت من عرضيه ارضيه دخلت التحمت فى المدافعين واقدر احطها بسن رجلى فى المرمى..أما الهدف الثانى كانت من كوره بينبه من نص الملعب اخدت الكوره واطرفت بيها على الشمال وأخدت المدافعين ورايا بالسرعه والحمد لله قدرت احطها فى الجون وافرح جمهور السويس الكبير.

- الهدف رقم كام ليك ده يااحمد من أول ماروحت السويس؟

ده الهدف رقم خمسه كان فى هدف فى السكه الحديد وهدف فى القناه وهدف فى بنها ودول هدفين فى الاتصالات.

- افضل مباراه لعبتها كانت مباراة ايه؟

مباراة الاتصالات طبعا بدون منازع تعتبر من افضل مباراتى فى مشوارى فى الكوره احساس جميل لما تكون بتلعب ضد فريق كبير ذى الاتصالات ومدافعين دوليين وخبره كبيره ذى وائل القبانى ومحمد يونس ومحمد صديق ومعتز حامد وتقدر تجيب هدفين.

- طيب اسوء مباراه لعبتها كانت مباراة مين؟

والله انا الخمستاشر مباراه اللى لعبتهم مع الفريق طلعت كل اللى عندى فيهم طبعا لان الفريق بحاجه للبقاء ولمجهود زياده فيعتبر كل المبارايات اللى لعبتها كانت بستوى واحد بس ينقص التوفيق وبالتحديد فى مباراتنا مع الداخليه اللى اتغلبنا فيها بالتلاته.

- ياترى الكابتن احمد رفعت ليه بصمات على الفريق ن يوم امسك تدريب الفريق؟

كل النتائج الكويسه للفريق كانت نتاج مجهود الكابتن احمد رفعت اللى تعب معانا جامد وجاهد والله عشان الفريق يقعد فى الممتاز ب وبيطلع الراجل كل اللى عنده عشان السويس وجمهورها الكبير.

- بمناسبة جمهور السويس ياترى هو مع الفرقه على طول؟

جمهور السويس حاجه تفرح بصراحه ومتحمس جدا للفريق بس مشكلته انه عصبى جدا يعنى اى نتيجه سلبيه يقومو علينا وشتايم بس لما نفوز بنبقا ابطال شعبيين فى السويس الناس دى بتحب الفريق بشكل جنون وعشان كدا احنا بنموت نفسنا عشان نفرحهم

- عملو ايه بعد ماتش امبارح؟

بصراحه حاجه تفرح قعدو يهتفولنا على طول ونزلو الملعبوكانو عاوزين يشلونا على الاعناق وان شاء الله هنفرحهم ونقعد فى المتاز.

-طيب انتا شايف فرصة بقاء المننخب صعبه ولا سهله بالخصوص ان فى ماتش صعب جدا الاربع مع النصر فى القاهره؟

اولا منتخب السويس قاعد لامحاله وهنفوز على النصر فى القاهره وعلى فكره ماتش النصر مضمون لان فى علاقات كويسه بين النادى ونادى النصر فالماتش هيكون سهل لينا اننا نخلصه ونقعد فى الممتاز ب.

- طيب انتا مكمل مع الفريق الموسم الجاى ولا كدا خلاص اخر الاعاره بتاعتك هتمشى؟

انا خلاص باقيلى اسبوع فى النادى وهرجع انبى تانى لان مستحيل طبعا وتحد يسيب انبى والمتاز عشان يقعد فى الممتاز ب برغم راحته فى المكان اللى هوا فيه.

- طيب الاستاذ احمد ابونازل رئيس النادى كلمك فى انك تمدد مع الفريق للموسم الجاى؟

والله الناس هتوت انى اقعد ويتنى بصراحه وطلبو منى كتير بس والله صعب انى اكمل مع الفريق

- طيب حتى لو الفريق هينافس الوسم الجاى؟

برضه صعب اقعد وعلى فكره المهندس سامح فهمى مجهز ميزانيه خاصه لمنتخب السويس بملايين عشان المنتخب هينافس الموسم الجاى وممكن نقول ان منتخب السويس هيصعد الموسم الجاى للممتاز والكلام ده انا واثق منه.

- طيب مفيش حد كلمك من نادى سوهاج انك ترجع الموسم الجاى؟

لا فيش حد ولو حتى حد كلمنى برضه صعب جدا انى بسنى الصغير تانى ارجع لبيتى تانى بعد العبت دورى متاز ع انبى ولعبت فى فرق بحرى بعيد عن الصعيد.

- مفيش عروض جاتلك بعيد عن انبى؟

والله انا جاللى كذا عرض ن فرق فى الممتاز ب فى القاهره والكابتن انور سلامه عرض عليا انه هيضمنى لفريق هو هيمسك تدريبه قريب فى الممتاز بس مقالش على اسمه.

- طبعا المكافأه كانت كبيره بعد مباراة الاتصالات بالامس؟

اها الحمد لله كانت فى مكافأت كبيره من الادراه ون شركة البترول اللى بترعى الفريق

- وصلت كام؟

حوالى 10 الالاف خمسه من مجلس الاداره وخسه من شركة البترول.

- بالتوفيق ليك يااحمد فى القادم ان شاء الله

شكرا ليك يامحمود.

بطاقة اللاعب

الاسم	احمد السيد السمنجى
محل الميلاد	سوهاج
تاريخ الميلاد	4/1989
الدراسه	الفرقه الثالثه حقوق اسيوط
العمر	21
النادى الحالى	منتخب السويس
الانديه التى لعب فيها	سوهاج انبى منتخب السويس
نبذه عن اللاعب	أحمد السيد السمنجى او احمد السمنجى ابن مدينة سوهاج مهاجم يتنبأ له الجميع بمستقبل كبير جدا بدأ مشواره الكروى منذ الصغر فى فريق سوهاج وتنقل من البراعم لقطاع الناشئين حتى تم اكتشافه عن طريق الكابتن جمال عبدالحميد مدرب فريق سوهاج سابقا. قدم اداء جيد مع فريق سوهاج برغم صغر سنه ووسط مهاجمين اكبر منه بالسن بكثير كحاتم العربى مهاجم تليفونات بنى سويف الذى تخطى الثلاثون. أستطاع حجز مكان اساسى مع الفريق فى موسم 2007/2008 وحتى يناير 2009 ومن بعدها انتقل بعقد لمدة 5 سنوات لفريق انبى بصفقه وصلت لـ200 الف جنيه والذى تم الصفقه الكابتن علاء عبدالصادق مدير الكوره بفريق انبى. انتقل اللاعب لانبى لكن لم يتم ضمه للفريق الاول وكل مشاركاته لفريق قطاع الناشئين واستطاع الفوز بدورى القطاعات مع فريق انبى وفى يناير 2010 انتقل اللاعب الى منتخب السويس كأعاره لمدة 6 شهور ولينضج اللاعب اكثر واكثر واللاعب يقدم حتى الان مستويات جيده مع فريق السويس اللاعب طموحاته كبيره جدا وكان على امل ان يكون ضمن صفوف نتخب مصر للشباب فى كأس العالم الاخيره فى مصر لكن لم يكن النصيب حليفه.

حاوره :محمود ور